Novas

Presentación e feche do proxecto Punto e Volta

Vai uns meses comentabámosvos do proxecto Galicia Fest, proxecto que foi TFG de 4 rapazas na Universidade da Coruña. Pois hoxe traemos outro proxecto tamén feito por xente nova, estas xa non son estudantes, se non que xa están máis que graduadas en xornalismo, mais como no país hai moita gana de facer cousas… Olaia Tubío, David Fontán, Raquel Pérez e Alejandro Gándara tráennos outro proxecto, pero desta volta o proxecto vén máis centrado na tradición e na orixe da nosa música. Porén, esta presentación de Punto e Volta non é o inicio dun novo proxecto con punto e seguido, senón que é un punto e final, ou cando menos un punto e á parte, porque con tanto fervello que a nosa xente ten no cu nunca se sabe. Hoxe venres 15 de decembro, das 21h ás 23h presentase o proxecto Punto e Volta no Auditorio de Cerceda. Así que non perdades a oportunidade porque tamén é o peche do mesmo.

Ler máis...

Sitio Distinto Dokumentala estréase hoxe en Galiza

O documental sobre a emigración galega en terras vascas e os vínculos xurdidos entre ambas as culturas chega hoxe, 22 de novembro, a Compostela. Será proxectado dentro do Cineuropa, ás 20h na sala NUMAX. Aquí podedes ver un tráiler desta interesante película.

Ler máis...

II Xornadas da música "Boiro Territorio Musical"

A República Creativa de Boiro conectará o seu potencial local con outros axentes profesionais do pais o vindeiro sábado 18 de novembro. Mesas redondas, masterclass e música, como non podía ser doutro xeito, nestas segundas xornadas Boiro Territorio Musical que xuntarán na vila do Barbanza músicos locais e profesionais do sector de todo o país.

Ler máis...

Concerto expansivo por un monte vivo

Despois da vaga de lumes que volveu arrasar o país máis unha vez, sucédense as iniciativas a prol da recuperación do monte. Tamén no mundo da música, que xa celebrou algún concerto solidario con músicos directamente afectados pola traxedia, e que hoxe sábado organiza un concerto expansivo en varias vilas e cidades de Galiza. A recadación será destinada a proxectos pedagóxicos e de recuperación ambiental de varios colectivos.

Ler máis...

Furgos Fiat para as bandas galegas

Fiateira Motor, concesionario oficial Fiat Professional na Coruña e pertencente ao grupo Pérez Rumbao, pon en funcionamento durante os meses de setembro e outubro a iniciativa de RSC “Fiateira Motor❤Music”. Esta iniciativa pon a disposición de grupos de música de Galicia unha furgoneta Fiat Professional para que poidan acudir e levar o seu equipo aos seus concertos en salas e festivais.

Ler máis...

Concerto por Sesé

Este venres 2 de xuño, Chapela acollerá o Concerto por Sesé. Un acto contra a violencia machista que levou a vida desta muller hai uns meses e que, ademais de lle render homenaxe, recollerá fondos para axudar a familia na reconstrución da súa vivenda, totalmente destrozada cando a súa ex-parella decidiu asasinar a Sesé, no enésimo caso de terrorismo machista que sofren as mulleres deste país. Dakidarría, Sés, Zamaramandi e Siniestro Total, pasarán polo escenario nun acto presentado por Isabel Risco. A día de hoxe, 31 de maio de 2017, 58 mulleres foron asasinadas polo terrorismo machista en todo o Estado.

Ler máis...

Danse a coñecer os finalistas dos IV Premios Martín Códax

Na Festa dos Nomeados que está a ter lugar agora mesmo nas adegas Martín Códax de Cambados déronse a coñecer os finalistas das distintas categorías dos Premios da Música Martín Códax. Por terceira vez consecutiva, o noso webzine encóntranse entre os finalistas na categoría de Espazos de Comunicación, compartindo candidatura este ano con Zig-Zag da TVG e Onda Vital da RG. Dakidarría, Os amigos dos músicos, O Sonoro Maxín, Sonia Lebedinski ou entre os finalistas.

Ler máis...

GZmúsica TV dá o salto á TVG

Facemos 5 anos e temos moitas sorpresas para vós. A primeira, a mellor sen dúbida. Hoxe 1 de abril podemos anunciar oficialmente que fichamos pola TVG. Concretamente, a Galega 2 emitirá os nosos programas de GZmúsica TV a partir do vindeiro mes. Todos os xoves ás 22:00h con repetición domingo ás 11:30h da mañá en substitución da Santa Misa, que pasará a ser emitida nunha nova canle de Youtube, creada a mitas entre Esmerarte e Santa Guerrilla. Nos vindeiros días realizaremos o casting para os e as presentadoras do novo formato, xa que Lety, Dani, Vitor e Purpurinas nin dan a talla nin queren colaborar na retirada da Santa Misa das nosas TVs.

Ler máis...

II Feira do libro e disco galego en Monterroso

O 18 de marzo do 2017, a Asociación Cultural 25 Xastres, organiza en Monterroso a II Feira do disco e libro galego. Ademais da presentación de novidades editoriais ben interesantes, como o último de Riveiro Coello ou Vázquez Pintor, ao longo da intensa xornada deste sábado haberá moita música. Ataque Escampe, Berlai, Pablo Díaz, Silvia Penide ou Milesios estarán presentando os seus discos. Hai máis, bótalle unha ollada á completa programación da feira e anímate a pasar por Monterroso este sábado para apoiar a cultura galega.

Ler máis...

Xa está aquí o Cantalingua 2017!

O concurso musical organizado polo Correlingua volta un ano máis para encher de música do país as carreiras populares que organizan AS-PG, CIG e A Mesa durante o mes de maio. O prazo para se inscribir no concurso remata o 1 de abril e o premio será actuar nas diferentes carreiras do Correlingua entre o 2 e o 16 de maio, cunha remuneración de 600€ brutos por actuación.

Ler máis...

Máis artigos...

Páxina 1 de 10

<< Inicio < Anterior 1 2 3 4 5 6 7 8 9 10 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto