Festivais


Non sabemos se vós  coñecedes este festival, a verdade é que nós vimos de coñecelo vai pouquiño, pero vémolo con ilusión e esperanza, porque máis cousas así tiña que haber na terriña, pois se non axudamos as que podemos… quen o vai facer?

Primeiramente comezar pedindo desculpas, por ter tan parada a web estes últimos meses. Pouquiño a pouco tentaremos ir retomando a actividade normal.

O Próximo sábado 20 de Outubro Vimianzo volta á época da infancia de moitas veciñas e veciños, ou inclusive das súas nais e avoas. Un pasado labrego que se lembra con foliada, concertos, magosto, teatro, gastronomía, xogos, obradoiros e unha morea de actividades.

A Romería Rock Arenteiro e o OurenRock Sound, a última fin de semana de maio e a segunda de xuño respectivamente, serán as primeiras citas -aínda nesta primavera- dun verán festivaleiro que volverá encher de música todos os recantos do país. Dakidarría, Ezetaerre ou Rebeliom do Inframundo, dentro das propostas nacionais, e El Drogas, El Último Ke Zierre, 13 BATS, Riot Propaganda ou Xavi Sarriá, chegados de fóra, andarán pola vila do Arenteiro e pola cidade das Burgas dando o pistoletazo de saída a un verán que se presenta intenso.

“Cans & Cadelas” é a canción composta por Magín Blanco para a 15ª edición do Festival de Cans que se celebrará do 23 ao 26 de maio. Na gravación do tema, o artista coñecido polos seus discos para público infantil como “A nena e o grilo” ou "Camiños" contou coa colaboración de As Mosas e Carlos Blanco. Uxía Senlle, parte de As Mosas, acompañou ao músico na mañá do 19 de abril nunha interpretación do tema ante as persoas asistentes á presentación desta edición do certame audiovisual que continúa a súa aposta polas novas xeracións de cineastas do país.


Hai uns días presentouse a quinta edición deste festival, cun cartaz no que atopamos ao Sonoro Maxín, Esteban y Manuel, Marem Ladson, Bifannah, Pardo e Baiuca. Trátase dunha das propostas máis orixinais do verán galega, xa que unirá o vindeiro 14 de xullo catas de vino da D.O. Ribeiro con música en directo no fermoso contorno da playa da Barrosa, en San Vicente do Mar.

No medio da Semana Santa salta a bomba. A Xunta de Galicia semella que escoitou as queixas provenientes do sector da música galego (artistas, produtoras e industria en xeral) e, para alén de seguir co seu xa anunciado Espectáculo Bochornoso de Luz e Son, a Consellaría de Cultura vén de anunciar un novo festival de música, que se celebrará de xeito itinerante nos meses de maio e xuño desde este ano até o 2021, ano Xacobeo. O Fariña Fest. Aproveitando o tirón do libro de Nacho Carretero e a sonada foto do noso presidente con Marcial Dorado, o Fariña Fest pretende afondar na idea de que "todos os galegos temos un amigo contrabandista" como apuntou o noso presi. De momento sábese pouco das bandas que actuarán só que os Ulträqäns van estar "si ou si". [EDITADO: Obviamente, esta nova foi publicada o 1 de abril, cando van os burros onde non deben ir]

Utilizamos cookies

Utilizamos cookies no noso sitio web. Algunhas delas son esenciais para o funcionamento do sitio, mentres que outras axúdannos a mellorar este sitio e a experiencia do usuario (cookies de seguimento). Podes decidir por ti mesm@ se queres permitires o uso de cookies ou non. Ten en conta que, se as rexeitares, é posíbel que non poidas utilizar todas as funcións do sitio.