Festivais

Estamos apenas a 24 horas do comezo do que vai ser sen dúbida un dos mellores festivais do verán en Galiza, o Revenidas de Vilaxoán. Até a vila mariñeira da Arousa van chegar unha selección dos mellores grupos do país e varios nomes internacionais de sona para colocar de vez Revenidas entre os mellores festivais da península. Familia Caamagno, Nao, Dakidarría, Liska ou Mahones, La Raíz e S.O.J.A farán gozar as asistentes desde mañá venres até o domingo 23 de agosto.

Lety GF foi até o Xantar-Presentación do FestiVal das Brétemas o pasado 1 de agosto en Ponteareas e tráenos este resumo en vídeo da xornada. A sesión vermú, cos Sesión Vermú, un petisquiño dos xogos populares e fragmentos do concerto dos Skalingrado, unha escolma do día de festa argallado polxs bretemosxs na casa da cultura de Angoares.

A 45ª edición do Gouelioù Etrekeltiek An Oriant, ou Festival Interceltique de Lorient, hase desenvolver entre os vindeiros 7 e 16 de agosto na cidade bretoa de An Oriant -Lorient, en francés- que volverá encher as súas rúas e locais con música chegada de todas as nacións celtas. Na delegación galega xa está todo aquelado para comezar a viaxe, con nomes como Talabarte, Radio Cos, Rosa Cedrón ou Carlos Núñez entre os que han levar a nosa música ao berce do interceltismo.

Despois da pasada fin de semana, co Resurrection, Ortigueira e o PortAmérica, a temporada festivaleira entra nunha xeira frenética que non che vai dar descanso até setembro. Pardiñas, Castelo Rock, Vilariño ou Reperkusión xa presentaron os cartaces deste ano. Revenidas fixo público un primeiro avance impresionante. Embarca connosco nesta andaina virtual que comeza esta finde -co Festigal ou o Antrospinos, entre outros- e percorre os recunchos todos do país deica a fin do verán. Propoñémosche cinco paradas para as vindeiras cinco semanas en festivais de todo tipo, gratuítos e con entrada, tradicionais ou rock, na praia ou nunha carballeira...atréveste?

Hoxe venres é bo día para gozar coa música en Ordes.  Un ano máis, a Asociación grupo de Gaitas Os Viqueiras de Ordes, organiza  unhas Noites de Tasca especiais, co gallo do sétimo aniversario, cunha gran festa onde a música e o baile tradicional serán os grandes protagonistas. Actividades a partir das seis da tarde, encetadas cun concerto do Cé Orquestra Pantasma. E tamén no Mesón do Bento haberá oco para a nosa música, co Festival Satélite Furancho, organizado pola rapazada desta vila dentro das Festas de San Pedro de Ardemil. Protesta lúdica contra o peche do Planeta Furancho e por unha CRTVG de tod@s e para tod@s!

A aldea de Cans, ao pé do Confurco, tense convertido na meca do cinema nacional. Aproveitando ao máximo as vantaxes da aldea, o Festival de cinema de Cans tira de "agroglamour" ano tras ano para encher de estrelas do cine, público, veciñanza e curiosos as rúas, os ghalpóns, os chimpíns e até os ghaliñeiros da aldea. De sempre a música tivo un sitio preferente neste festival, mais a aposta por ela faise maior ano após ano.

Utilizamos cookies

Utilizamos cookies no noso sitio web. Algunhas delas son esenciais para o funcionamento do sitio, mentres que outras axúdannos a mellorar este sitio e a experiencia do usuario (cookies de seguimento). Podes decidir por ti mesm@ se queres permitires o uso de cookies ou non. Ten en conta que, se as rexeitares, é posíbel que non poidas utilizar todas as funcións do sitio.