Grupos
O coro da Mariña, dirixido por Ugia Pedreira e Pierrot Rougier, busca voces. Co epicentro en Rinlo (Ribadeo), o coro busca voces da Mariña e do Eo-Navia para armar un coro diferente e mixto. Xente con ou sen formación musical, profesionais e amadores, xente de 14 a cento e pico anos, estades todas convidadas ao novísimo coro da Mariña que se presenta -e fai a primeira convocatoria de voces- o vindeiro 24 de outubro na Escola Vella de Rinlo.
- Visitas: 2074
A banda viguesa presenta mañá sábado 19 de setembro o seu segundo disco, Metamorfose, no Auditorio Municipal do concello de Vigo. Folk fusión que mestura xéneros e estilos e que xa colleitara moi boas críticas coa súa estrea, Sons do Atlántico. Virandeira Folk volven cunha nova proposta que promete ser tan ecléctica e xenuína coma o anterior traballo. Sábado, en Vigo, ás 21h, con entradas a 6€ adiantada e 8€ na billeteira.
- Visitas: 1948
O próximo sábado día 22 de Agosto terá lugar un concerto do primeiro traballo do grupo A Gramola Gominola no Xardín Municipal de Carballo, ás 18.30 h, dentro da programación da Feira da Creatividade Cultural que se celebra cada ano na capital da comarca bergantiñá, e que chega á súa X Edición con moitas novidades, entre as que se destacan a programación musical infantil.
- Visitas: 2739
As Festas do Santiaguiño hoxe en Padrón e o programa Baiverán de Baiona mañá acollerán senllos concertos de Leilía. As compoñentes de Leilía levarán até estas dúas vilas as cancións do seu último traballo, 'ConSentimento', alén doutros temas da súa xa dilatada discografía. No país, Noia, Negreira, Ribeira e Narón tamén serán paraxes das Leilía este verán que sairán tamén, cara a Suecia, para presentar o seu novo traballo en terras escandinavas.
- Visitas: 3270
Josito Porto -Korosi Dansas, Magritte- e Sabela Dacal -Emilio Rúa, Xestreu- son Factoría de Subsistencia. Cerca da túa orella é o nome do seu primeiro traballo, que está xa de camiño. Para dar feito todo o proceso pensaron moi seriamente na alternativa do micromecenado...e decidiron argallar unha campaña de micromecenado a posteriori. Entérate de como poder axudar a que a Factoría de Subsistencia estea cerca da túa orella.
- Visitas: 4340
Ler máis: Factoría de Subsistencia xa (case) ten o seu primeiro disco
O novo proxecto de Xacobe Martínez Antelo e graffitis en directo hoxe sábado no pazo do Faramello, en Rois. Sábado día 20 de xuño, o músico galego Xacobe Martínez Antelo volve aos Encontros Musicais 2.0 do Pazo do Faramello. Desta volta regresa co seu último proxecto, Chanzo, acompañado por Max Gómez e Alex Salgueiro. Ademais, o graffiteiro NoveNoel fará pinturas en directo durante a sesión musical. Será ás 20 horas cando se celebre o concerto e, como non, ás 18:30 horas poderase realizar unha visita guidada ao Pazo. O serán rematará cun viño e uns petiscos. Aínda podes conseguir entradas para esta novidosa proposta.
- Visitas: 2247
Ler máis: Música e pintura urbanas hoxe no Pazo do Faramello