Grupos
Brais Morán presenta novo disco, segundo, o vindeiro 29 de abril na Capitol. No Mato do desespero, homenaxe ao Narf do que se albiscan tamén pegadas na carta de presentación, Cando imos para ese lugar. Vídeo gravado ao vivo, cunha banda de caras coñecidas na escena musical galega e mais colaboracións para o clipe das Tanxugueiras, Xiana Lastra e tamén de Carminha do Porrinho e Chus de Moalde no baile. A canción aglutina o rock, a pegada africana, brasileira e sobre todo a forza do tradicional na que afonda Morán neste seu segundo disco en solitario. Escoita -e ve- este adianto, Cando imos para ese sitio.
- Visitas: 2601
Ler máis: A forza do tradicional presenta “No Mato do desespero”, o novo de Brais Morán
Mercedes Peón anuncia a data de presentación do seu quinto traballo, Déixaas, que verá a luz definitivamente o 27 de abril. Esta sexta feira, 6 de abril, hase estrear Plataforma, a xeito de single, canción que nos permitirá albiscar cara a onde se moveu o universo sonoro de Peón. Acompañada de banda, na que están Ana García e Mónica de Nut, fará presentacións no país deste seu quinto disco, do que xa deixou petiscos nalgúns concertos en festivais europeos do pasado verán.
- Visitas: 1700
Habelas Hainas presenta o seu primeiro videoclip, "Marmuradoras", un dos temas incluídos no seu disco Livres e loucas. Realizado por Antía Ameixeiras. O vídeo foi presentado no Gramola de Compostela o pasado 24 de marzo e é un chanzo máis no traballo arredor do novo disco, que están a presentar estes meses polo país. Gaiteiras e bravas, despois dunha intensa traxectoria como músicas ao vivo Habelas son unha perfecta mostra da nova formada do trad e folk galego, onde as mulleres cobran cada vez máis protagonismo. Vídeo no interior do artigo.
- Visitas: 1742
Sábado 17 de marzo, a Casa Museo de Manuel María será o escenario dunha xornada inédita, onde os Diplomáticos nos convidan a cantar versos de Celso Emilio, Teresa Ramiro, Manuel Rivas e tamén, claro, Manuel María. Será ás 20h, en Outeiro de Rei e podes reservar billete por 5 euros.
- Visitas: 1396
Ler máis: Poesía para cantar. Os Diplomáticos na casa de Manuel María
Mañá, mércores 14 de marzo, venres 16 e sábado 17, a cantautora arzuá subirá aos escenarios do país para seguir a presentar "Casandra", terceiro disco da súa carreira, primeiro de estudio. Carballo, Laxe e Moaña gozarán co directo de MJ Pérez, acompañada de toda a súa banda esta cuarta-feira en Carballo, en formato reducido nas outras dúas datas.
- Visitas: 1144
A nova e fantástica sala de Mos, localizada no CSCD As Pedriñas, continúa coa súa programación musical despois de abrir as súas portas o pasado ano. Esta fin de semana, serán as bandas Habelas Hainas e Voodoo as encargadas de poñer música nun local que está chamado a se converter no referente para a música ao vivo no sur do país.
- Visitas: 1074