Grupos
Terbutalina levaban anos dándolle voltas a un proxecto, do que apenas quixeron contarnos nada -como por outra banda adoitan facer con nós- mais do que por fin sabemos algo máis. Preguntámosllelo hai dous anos no Revenidas e non arriaron nada pero agora podemos afirmar que a Terbualdea vai ser unha realidade. A banda de Muros con algún membro de Esteiro vai comezar mañá mesmo un VERKAMI para poder adquirir unha propiedade para reformar na Costa da Morte. O vello proxecto dos punks da Barbanza, un lugar con prohibición do sexo indoor e un concerto de Terbutalina a diario axiña será unha realidade.
- Visitas: 3539
A cita será este venres 1 de abril na sala MalaTesta de Compostela. A banda dirixida por Amil presentará ao vivo o traballo que realizou a requerimento da Mesa pola Normalización Lingüística, musicando en clave de rock, funk, folk e blues once poemas de Manuel María. Ademais de Amil e a Tribo incomprensíbel polo escenario da MalaTesta pasarán os colaboradores do traballo, Xurxo Souto, MJ Pérez, Antón Díaz, Belén Tajes, Bocixa, Paula Romero ou O Leo. Alén de homenaxear o autor das Letras Galegas 2016, a Mesa festexa o seu 30 aniversario con este concerto, ocasión probablemente irrepetible de poder gozar ao completo de todos os músicos que participaron no proxecto. As entradas están á venda en adiantada por 10 € na web da Mesa -8€ para persoas asociadas a esta organización- e custarán 12 € na billeteira da sala o día do concerto.
- Visitas: 3310
Ler máis: Fran Amil e a Tribo incomprensíbel presentan "A voz do vento"
A banda, única representante galega no festival, representará o Estado na final internacional do Imagine Festival, o vindeiro mes de decembro en Croacia. Ao se impoñeren na final española, Ivy Moon gaña tamén o dereito a gravar unha maqueta nun estudio profesional e dará unha xira polo Estado. Esta será a primeira edición deste festival dirixido a bandas con compoñentes entre os 13 e os 21 anos na que España terá representación.
- Visitas: 2108
A Casa Museo de Manuel María en Outeiro de Rei, acolle mañá sábado 12 de marzo ás doce do mediodía, a primeira presentación pública do libro - CD "A voz do vento", editado pola Mesa pola Normalización Lingüística, con poemas de Manuel María, música de Fran Amil e a tribo incomprensíbel -Aarón Bouzón, Álex Bardanca, Fran Amil, Paco Cerdeira e Ricardo Casás- e ilustracións de Jano.
- Visitas: 2575
Ler máis: A voz do vento, libro-CD homenaxe da Mesa a Manuel María
A sala Karma de Pontevedra mañá venres 11 de marzo e Jamartes - Arte e Cultura en Pontecaldelas o sábado serán os primeiros lugares onde se poida gozar da xira do novo disco de Roger de Flor, que tamén estará este mes na Coruña, concretamente na sala Garufa o 23, para continuar a mostrar no país Apelón. Un traballo con temas cantados en galego, italiano, castelán e inglés, escritos ao pé do lume nunha casa da rúa Apelón, de Mugardos, onde o Roger viviu unha temporada.
- Visitas: 1674
Ler máis: Apelón, o novo de Roger de Flor comeza a xirar en Pontevedra
A cantante tocará en primicia con banda mañá venres 4 de marzo en Coruña, na Sala Garufa, estreando o novo directo con banda. Polo escenario da sala coruñesa tamén pasará ITH. , dentro da xira de presentación do seu novo disco, Forte.
- Visitas: 1459