O 24 de xaneiro houbo noite metaleira na Capitol. Até alí foi Lucía Mallo a tirar unhas fotos e velaquí está o resultado. Os Invivo, acompañados no escenario esa noite por 2Sisters e A New Heaven Arise, tiveron ocasión de mostrarlle á parroquia do metal galego os temas do seu último disco, Cárcavas

Published: 30 Xaneiro 2015

Visitas: 2006

Ler máis: Invivo na Capitol, fotos de Lucía Mallo

O Aturuxo de Bueu sempre nos sorprende con concertos aparentemente inimaxinables no Morrazo. Formacións que adoitan tocar só en grandes salas das cidades máis importantes de Europa acaban aparecendo polo histórico local de Bueu. E todo grazas ao bo facer de Leiro, que leva anos rexentando o local e traendo o mellor do panorama musical mundial até a comarca morracense. Por exemplo, Roy Panton e Yvonne Harrison, lendas vivas do ska xamaicano que estiveron o pasado 20 de xuño por alí. Acompañados dos Transilvanians, que quentaron primeiro o ambiente e despois traballaron de backing band para os xenios do ska, deron un moi memorable concerto. Velaquí un resumo pequeniño.

 VÍDEO RESUMO

{fcomments}

Published: 22 Xullo 2014

Visitas: 2130

A pasada fin de semana SOKRAM presentou en o seu primeiro disco en sociedade. Arroupado por varios membros da súa crew e por un feixazo de bos músicos do país, o rapeiro de Ordes debullou Chuvia Ácida, o seu primeiro disco en solitario. Até alí foi Lucía Mallo, que nos fixo de correspondente compostelá e agasallounos con estas mágnificas fotos.

Published: 22 Xaneiro 2015

Visitas: 6543

Ler máis: Fotos da estrea de SOKRAM na Capitol (Lucía Mallo)

Hai máis dun mes andamos por Compostela, no magnífico concerto que A Candeloria organizou na Sala Capitol. Dakidarría, Arrhythmia e Labreg@s. Aquí vos queda un resumiño en vídeo do concerto destes últimos, os Labregh@s do Tempo dos Sputniks, pondo música e emoción a poemas de Celso Emilio e Lois Pereiro. Para rematar, unha versión de Fuxan os Ventos dedicada aos grandes Mini e Mero (Fuxan, A Quenlla), únicos pais musicais que recoñecen @s Labregh@s.

{fcomments}

Published: 19 Xullo 2014

Visitas: 2283

Os festivais asociados a FEGAFE, cando menos os pertencentes á "confederación suroeste", xuntáronse o pasado sábado no CC As Pedriñas de Mos para festexar o remate do ano festivaleiro. Foi unha noite de encontros entre organizador@s de festivais e amig@s, unha "cuchipanda sonora" que contou coa actuación da Orquestra Chumeiras, Noite Fechada, A.P.I.S.A., DJ öne e o Leo. Velaquí un resumo en vídeo:

Published: 15 Decembro 2014

Visitas: 1856

Os Camarada Nimoy lanzaron un concurso pola rede hai uns días. Simplemente tiñas que lles contar para que empregarías unha nave espacial e entrabas no sorteo das 15 entradas dun concerto exclusivo, con petiscos e "nun lugar diferente, único e secreto". Un dos cámaras gzmusiqueiros probou sorte e conseguiu entrada. Velaquí tedes un temiña que gravou o Martín deste concerto peculiar.

Published: 01 Xullo 2014

Visitas: 2264

Ler máis: Camarada Nimoy, ao vivo nun concerto moi especial

A pasada fin de semana fomos até Tameiga, en Mos, para ver o concerto de Blues do país. No Centro Cultural As Pedriñas, novo local que aposta pola música ao vivo na comarca de Vigo. Ao pé do Rebullón, no máis alto da Louriña, asistimos ao concerto -ateigado- deste dúo vigués-ourensán. E quen veñen sendo? Cortamos e colamos do seu perfil nas redes sociais: "Blues do país é o dúo formado por Pepe King e Bieitta James, no que os clásicos do blues e do soul soan en galego e cargadiños de retranca." Pois é. Sorprendeunos -positivamente- ver a Iseo, aka Bieitta James, de Sacha na Horta nun rexistro diferente ao que adoita practicar coa banda. E tamén gostamos moito dos clásicos que versionan en galego, moitos presentes no Bateas no Mississipi, disco de estrea que están a presentar este outono polo país. Esta vindeira fin de semana, en Ourense e Sandiás. Aquí vos queda unha mostra do que aquilo foi.

{fcomments}

Published: 14 Outubro 2014

Visitas: 4876

O primeiro día de xuño non faltamos á nosa cita dominical co templo da música ao vivo de Bueu. A proposta semellaba interesante. Roots reggae desde São Salvador de Baía, con backing band viguesa. Até alí fomos e aquí vos deixamos o que nos pareceu o concerto. Crónica, vídeo e fotos no interior.

Abofé que a proposta de Ras Ciro Lima&Grei Jah auguraba unha boa noite de reggae en Bueu. Cando menos, había servir de adestramento para o concerto que mañá venres viviremos no Aturuxo, Panton&Harrison, -lendas vivas da música xamaicana- cos Transilvanians de banda de apoio.

E, de feito, o concerto foi máis que correcto no musical, -malia o pouco feeling que cabe agardar cando o cantante nin sabe o nome dun só dos músicos que o acompañan-, e o Ras Ciro ten táboas e representa moi ben a esencia do roots reggae. O Lima é un dos principais músicos de roots reggae de Baía. Ten editados dous traballos (Haile Selasie e Eu, Eu e Eu), o último gravando parte do CD en Vigo e parte en Baía. A súa esposa, Makiko Kamekura, de Xapón, acompañouno aos coros. O directo, longo, foi un percorrido polos seus dous traballos, con algunha concesión ás versións na parte final. Non empregaron o estupendo son da sala e traballaron co seu, o que foi un erro pois a banda -sen soar mal- non deu de si todo o que o tería feito coa sonorización da casa. Con todo, o reggae máis clásico pairou sobre @s asistentes en todo momento.

Porén, malia a facilidade coa que o Lima nos insería nesa cadencia acougada e espiritual do reggae na maioría das cancións, o certo é que a liña argumental do seu discurso, de fondas conviccións relixiosas, e as letras das súas cancións, moi centradas precisamente niso, facían que a cousa fose por veces case cómica para a maioría do público -escaso- que asistía ao concerto. 

Cousas da lusofonía. Se o Lima non falase nun galego tan xeitoso e o fixese en inglés, probablemente a parroquia non se tería enterado da homilía e tería gozado sen prexuízos da súa música. 

Texto: Lavesedo

Vídeo: Lety GF

Fotos: Xabicas. Galería do concerto na súa páxina do Facebook

Published: 20 Xuño 2014

Visitas: 2950