Cultura
A estrea será mañá mércores 13, ás 22:30h, co programa dedicado ao Festival Reperkusión. Durante 13 semanas, os mellores festivais de música do verán galego darán o salto á pequena pantalla da man de GZmúsica. O programa emitirase inicialmente en Localia Vigo, sintonizable no sur da provincia de Pontevedra na TDT, e en R Televisión, na canle 135, en toda Galiza. Ao longo dos vindeiros días confirmaremos os horarios de emisión nestoutras cadeas locais galegas: Nós TV, Canal Rías Baixas, TeleCoruña e TeleFerrol.
- Visitas: 1986
A 11ª edición do Festival de Cans serviu de marco á presentación do Ano Bravú, actividades arredor do 20º aniversario do movemento Bravú. O Xurxo Souto fala nunha leira de Cans sobre o proxecto e todo o que se está a desenvolver arredor. Aparición estelar dun membro de GZmúsica, que colabora no blogue que será o punto de información de todas as novidades deste Ano Bravú.
- Visitas: 1796
Alba María impúxose aos restantes sete finalistas na gala decisiva do I Certame de Canción de Autor en Galego 'Concello de Teo'. Nastasia Zürcher recibiu os premios do público á mellor artista e mellor canción orixinal na gala final celebrada no CSC da Ramallosa. O director artístico do certame, Xoán Curiel, salientou que o xurado tivo un labor “difícil” polo “elevado nivel” dos oito artistas que chegaron á fase final do concurso.
- Visitas: 1615
Ler máis: Alba María gaña o I Certame de Canción de Autor en Galego 'Concello de Teo'
A Asociación de Intérpretes e Executantes española (AIE) convoca bolsas para o curso académico 2014/2015. Estas axudas, de carácter estatal, van destinadas a alumnado que curse estudos musicais de Grao Medio ou Superior e a profesionais da música en activo. O prazo de presentación das solicitudes remata o 25 de abril. Bases no interior do artigo.
- Visitas: 1356
Agora que son xa (case) as 00:00h, -esperemos que Xan Papaqueixos colocase xa as 100 entradas de balde que sorteou no seu FB-, podemos "desvelarvos" o que moitas e moitos cachastes á primeira. Por desgraza, non vai haber Festa GZmúsica con ese cartelazo que correu polas redes...E non é porque non queiramos. O que si é certo é que facemos 2 anos na rede, e que onte foi 1 de abril, o Día dos Enganos no país. Esas 2 cousas foi as que quixemos festexar con esta pequena "brincadeira". Agardamos que non vos enfadásedes moito.
- Visitas: 2282
Ler máis: 1 de abril, o día que van os burros onde non deben ir...
FELIZ 1 DE ABRIL, DÍA DOS ENGANOS!! Hoxe é 1 de abril e facemos 2 anos na rede. Para festexar as dúas cousas, nada mellor que anunciarvos unha nova que estivemos mantendo en absoluto segredo até hoxe, que xa a podemos confirmar. A II Festa GZmúsica xa ten data, lugar de celebración e cartaz. Será en Vigo, o 17 de maio deste ano. No auditorio do parque de Castrelos e con entrada de balde, poderemos gozar da actuación de Flogging Molly, os históricos Papaqueixos, os asturianos La Tarrancha e o galego-francés Manu Chao.
- Visitas: 5598
Ler máis: Flogging Molly, Os Papaqueixos,La Tarrancha e Manu Chao, na II Festa GZmúsica
O I Certame de Canción de Autor en galego 'Concello de Teo' entra na fase final. O xurado escolleron os oito finalistas: Alba María, Gamy, María Costas, MJ Pérez, Nastasia Zürcher, O Neno Elliot, Sofía Espiñeira e Susana Martínez. A gala final terá lugar o vindeiro 5 de abril, ás 20 h, no Centro Sociocultural da Ramallosa, a carón da Casa do Concello. Nela disporán de 8 minutos para defenderen a súa actuación, estilo e calidade.
- Visitas: 1939