Martes 29 ás 21h30 (5€)
HERBENS CONSORT
O Herbens Consort é un conxunto musical especializado no repertorio barroco e que emprega instrumentos orixinais. Constituíuse no verán de 2013 por iniciativa de Carlos García Amigo, Diego Rojo e Eliseu Mera coa finalidade de participar no Festival de Música de Herbón “As notas do pemento”, certame do que se converteu no seu grupo residente. Na súa filosofía está tratar a música barroca non coma un feito cultural afastado no tempo senón coma unha manifestación artística que conecte co espírito do público do século XXI, de aí que os seus membros se declaren #barrocoscomati.