Alejandro Cimadevila, saxofón soprano
Jorge García, saxofón alto
Alberto G. Noguerol, saxofón tenor
Marcos Mariño, saxofón barítono
O cuarteto Skirion está composto por catro mozos galegos, profesionais do saxofón, que dende 2012 interpretan e dan a coñecer os extensos e variados repertorios de música existentes para esta formación instrumental, o cuarteto de saxofóns. O nome do grupo fai referencia ao deus grego dos ventos do noroeste. En xaneiro de 2014 gravaron o seu primeiro traballo discográfico, Recitation Book, no que ofrecen un percorrido de grande alcance estilístico e de profundos contrastes con obras de Bach, Maslanka, Paul Creston ou Granados, para mostrar a maleabilidade interpretativa do saxofón.
O programa de concerto vertébrase arredor da obra que lle dá título, do compositor contemporáneo David Maslanka, con claras influencias da música renacentista e barroca, que alternará con outras obras de autores barrocos, na intención de achegar o saxofón a un período da historia da música no que, por mor da súa curta idade, aínda nunca estivo presente.