sexta feira 27 febreiro 2015
Vistas : 285
73 Foliada no Lar (As Pontes)
Pasado o Entroido, maravillosamente acompañado de esa dieta lixeira do cocido, as orellas e os freixós, voltamos as Foliadas do Lar onde a Música, as voces d@s cantareir@s e os bailes tradicinais se dan cita cada derradeiro venres de mes.
Este mes somos o Grupo No Cómbaro os responsables da 73 Foliada, polo que nos sentimos ben satisfeitos de poder contar para a ocasión coa A. C. Buxainas de Cedeira e coa A. C. A Mámoa de Luou (Teo). Dúas asociacións que están a divulgar e espallar a música e o folclore por todo o país facendo da nosa música e o noso baile un arte ben recoñecido e valorado alí por onde se achegan.
Como estas dúas agrupacións, contan con bailadoras e bailadores, aproveitamos a ocasión para adicarlle esta Foliada a tod@ a xente bailadora da comarca, pois e ben sabido que sin eles as Foliadas non serían o mesmo.