Irmandade coral basco-galega

Compostela acolherá um concerto mui especial o 1 de maio a cargo de três coros bascos e dous galegos. A Coral Xumela e a Coral Monte Txio de Zarauz e mais a Coral Olagarro, de Ondarribia, viajam desde Euskal Herria a Galiza e chegam a Compostela para estabelecer um irmandamento musical com a Agrupación Coral Solfa e o Coro da Semente, que fai a sua presentaçom em público. Será no Colégio Apostol Santiago, às 18.30. 

A atividade, organizada pola Escola de Ensino Galego Semente de Santiago de Compostela, forma parte dum irmandamento entre Galiza e Euskal Herria, e completara-se com outras atividades culturais como um roteiro por Compostela ou umha visita a Rianxo onde os coros bascos conhecerám, com a colaboraçom do Concelho, o património cultural local num roteiro cantado polas ruas da vila.

A Agrupación Coral Solfa é umha coral formada em 1997 por vizinhanza de Compostela e forma parte do tecido cultural do país, e tem um repertório baseado na própria tradiçom musical galega e mais no ámbito lusófono. 

O Coro da Semente é um conjunto vocal mui especial: está formado por mamás e papás e nenos e nenas de 2 a 6 anos, da Escola Semente. Neste seu concerto de apresentaçom em público vam cantar um tema tradicional zulu e outro alentejano.

A Escola de Ensino Galego Semente, impulsionada pola Gentalha do Pichel, é um projeto educativo autogestionado, popular e sem ánimo de lucro, que tem entre os seus princípios, a interculturalidade, e esta ruada polas ruas de Rianxo pretende irmandar as nossas línguas e culturas própria

Irmandade coral basco-galega em Rianxo

Rianxo acolherá um concerto mui especial o 2 de maio a cargo de três coros bascos. A Coral Xumela e a Coral Monte Txio de Zarauz e mais a Coral Olagarro, de Ondarribia, viajam desde Euskal Herria a Galiza e chegam a Rianxo para estabelecer um irmandamento musical com a vila arousana. 

A atividade, organizada pola Escola de Ensino Galego Semente de Santiago de Compostela, e com a colaboraçom do Concelho de Rianxo, completara-se com outras atividades culturais como um roteiro histórico por Compostela.

Em Rianxo, as corais bascas conhecerám, com a colaboraçom do Concelho, o património cultural local num roteiro cantado polas ruas da vila.

A Escola de Ensino Galego Semente, impulsionada pola Gentalha do Pichel, é um projeto educativo autogestionado, popular e sem ánimo de lucro, que tem entre os seus princípios, a interculturalidade, e esta ruada polas ruas de Rianxo pretende irmandar as nossas línguas e culturas próprias.