O acto que está organizado pola Irmandade Manuel María e a Asociación Xermolos, dará comezo no Pedregal de Irimia ás 12:00 h., onde haberá unha lectura colectiva, por parte particulares dos distintos colectivos e grupos que alí acodan, do “Manifesto pola Afirmación e a Dignidade”, da autoría de Mero, igual que nas pasadas edicións. Alí, Raúl Galego, Xosé Manuel Sánchez e outras agrupacións que se presten a facelo, interpretarán varias pezas.

Lidos os manifestos haberá un xantar en Meira e pola tarde será a entrega das “Mans de Irimia”, figura do escultor Manolo Pardo, a AC Avelino Díaz e a Anxo Lamas, pintor chairego de longa traxectoria tamén poética, que ten exposto o seu traballo na Casa da Cultura do Concello de Meira, onde Tino Baz será o encargado de poñer a nota músical, así como outros grupos de música, gaita e voces corais da zona.