O Auditorio Municipal de Ourense acolle o domingo, día 27 de setembro, o espectáculo: Mamá Cabra - 15 Primaveras, unha función de 60 minutos de duración para todos os públicos na que Mamá Cabra fai un percorrido pola historia do grupo e das súas mellores cancións. Trátase dun espectáculo diferente en formato de concerto-teatro no que se amosa unha nova Mamá Cabra disposta a seguir enchendo de ilusión e ritmo aos cativos.

Haberá unha única función ás 12.00 horas. A entrada custa 3€ e xa se pode mercar en: www.ataquilla.com ou na taquilla do Auditorio dende dúas horas antes do comezo do espectáculo.

Organiza a Concellería de Cultura con motivo da programación infantil do Auditorio de Ourense.