A cantora coruñesa SES presenta ao vivo o seu novo disco, "Tronzar os Valos". SES é a trovadora galega do século XXI, cunha gran banda ao vivo e unha capacidade comunicativa impactante, o estilo de SES mistura con doses exactas os ingredentes de esa fórmula máxica que conseguen un resultado orixinal e xenuino; rock'n'roll, tradición oral galega e certa cadencia da canción de autor latinoamericana; con actitude punk, reinvindicación e un manexo escénico, cunha constante e permanente interlocución cos seus seguidores. O seu discurso valente, novidoso, contundente e directo, fan de SES a voz de moitos, o altofalante que defende todo aquilo no que sería ideal crer.