Obradoiro de rap+Recital colectivo multimedia+Aperitivo Literario. Este é o noso plan para celebrar o Día das Letras.

A partir das 12:30h, convidámosvos a poñerlle voz aos versos de Manuel María nun espectáculo multimedia que contará coas improvisacións musicais de Koroiev e as videocreacións de DSK. As persoas que queiran participar recitando os seus poemas preferidos de Manuel María, só teñen que inscribirse previamente, indicando ademais dos seus datos persoais os versos elixidos para este día. Pola súa banda, a entrada para todas aquelas persoas que desexen asistir como público a este recital será libre e de balde.