Convocatória: O Cristo da SCD!

Assunto: Actividades polas festas patronais de Salvaterra

Lugar: Local SCD Condado (Rua Portugal, 15 - Salvaterra de Minho)

Data: Sábado, 11 de junho

Hora: 19:00 hh (V Encontro de Vinhos) e 22:00 hh (Instituto Fonográfico Tropical)

Salvaterra está de festa esta fim-de-semana e a Sociedade Cultural e Desportiva (SCD) do Condado celebra-a montando o seu ‘cristo’. Umha tarde e noite de actividades para passá-lo bem e recadar fundos para a celebraçom do próximo Festival da Poesia, que será a XXX ediçom.

As actividades serám no novo local que a SCD do Condado tem em Salvaterra: umha casa com leira no centro da vila (na Rua Portugal, 15). Começam às 19:00 com o V Encontro de Vinhos galego-portugueses, onde se poderám provar caldos das duas beiras do Minho.

A SCD vai preparar petiscos para que a gente poida passar a tarde agardando pola actuaçom, desde as 22:00, do Instituto Fonográfico Tropical. Este colectivo de DJ’s portugueses traerá um “contorsionismo musical” de um e outro lado do Atlántico, com ritmos africanos e do Caribe.