Nin cacharelas, nin laradas, LUMEIRADA, velaí a denominación tradicional coruñesa para as fogueiras de San Xoán.
Os Diplomáticos de Monte-Alto están a preparar en condicións a gran noite cunha serie de ensaios-performance en disco-tascas sinaladas.
Tras da sesión da Casa Chencha ( rúa San Xosé), este xoves propoñen un novo encontro no café máis antigo da cidade:
O mítico Borrazás, rúa do Orzán, 163. Casa da bohemia, habitada polo talento -entre moitas xeracións de artistas- de Lois Pereiro ou do propio Urbano Lugrís.

Contidos do SEGUNDO ESTALO:
Proxección da RABALEIRA:
Nova peza do grupo sobre un poema de Teresa Ramiro, dedicado ás pedras percebeiras da Torre de Hércules; comentada polo seu realizador: Pulpiño Viascón.
ENSAIO COLECTIVO:
Universo Coruñento e outras pezas creadas expresamente para esta noite de San Xoán.
Medre o Mar !