Carlos Núñez anunciou por sorpresa un dos escenarios escollidos para dar uns dos seus concertos deste verán. A igrexa de San Martiño de Bueu acollerá ao músico o vindeiro 31 de xullo, a partir das nove e media da noite. As entradas poñeranse á venda este venres en Ataquilla e poderán reservarse ata un máximo de 350 a 12 euros.

A iniciativa do Concello de Bueu, apoiada por un dos músicos galegos máis internacionais, busca incentivar o futuro da música en directo a través da súa propia independencia abandonando progresivamente o modelo de concerto gratuíto pagado con diñeiro público para adaptarse ao tempo actual e acostumar ao público a pagar unha entrada que valorice a cultura.

Carlos Núñez actuará cos músicos cos que se atopa de xira por toda Europa: o seu irmán Xurxo Núñez nas percusións, Pancho Álvarez ás cordas e o violinista e bailarín Jon Pilatzke, titular de Chieftains