Por fin poderemos ter en directo a GELRIA en Compostela. Por fin poderemos escoitar 'Cantos de Poeta', o seu primeiro traballo discográfico. Trátase dunha antoloxía na que atopamos catorce dos principais poemas da lírica galega de todos os tempos postos en música por Gelria e que nos fan viaxar desde o Rexurdimento de Curros Enríquez e Rosalía de Castro até os autores dos nosos días como Xosé Luis Méndez Ferrín ou Chus Pato. Cada autor e cada texto marca o seu propio estilo musical, dende a música tradicional até a contemporánea, pasando polo jazz.

O espectáculo conta cunha coidada escenografía e con voces en off que nos guían, poñendo no oído do espectador os pequenos poemas que Manuel Rivas escribiu -especialmente para a ocasión- como introdución ás cancións que forman parte da antoloxía.

GELRIA:CANTOS DE POETA