MAMÁ CABRA: "Paxaro Amigo. Músicas para a paz".

Sábado 7 de xaneiro, a partir das 19 horas, no Auditorio Municipal. Entrada: 2€.

Dirixido ao público infantil e familiar, "Paxaro amigo. Músicas para a paz" é un espectáculo que une música e teatro. Ten como protagonista a "Discordia", unha bruxa que é feliz destruíndo a paz. De feito, a paz prodúcelle picores por todo o corpo dende o cocote ata a punta do pé. Discordia goza facendo que todos os animais, e os humanos, se leven mal. E come olivas como unha tola... Menos mal que ten unha curmá fada … pois xa se sabe que na familia haiche de todo. Un día vai acontecer algo que cambiará o seu mundo, e o mundo enteiro, para sempre.