Un ano máis, e xa van alá doce, a Asociación de Música e Baile Tradicional Vai de Roda organiza o Serán Mar de Rianxo, coa colaboración do Concello de Rianxo e da Deputación da Coruña.

O sábado 27 de maio, no Campo de Arriba, soarán pandeiretas, gaitas, tambores e outros instrumentos tradicionais galegos; e tamén danzarán bailadores e bailadoras, e soarán grandes voces que cantarán diversas pezas.

A partir das 12.00 h haberá ambientación musical polos bares, e ás 19.00 h dará comezo o seranciño para as/os máis cativas/os, para despois continuar, ás 22.00 h, co serán.
Vai de Roda Concello de Rianxo Cultura da Deputación da Coruña