Home Axenda
Events Calendar help
See by year See by month See by week See Today Search Jump to month
Festival ao Compaz
From Friday, 18 August 2017
To Saturday, 19 August 2017
Hits : 254

Saumede é un lugar bastante máxico. É unha aldea galega do século XVII, no concello de A Bola, que foi abandonada hai trinta ou corenta anos ata que case todas as súas construcións quedaron en ruínas. Como calquera ruina, é un sitio fascinante, cheo da pegada da vida pasada. Pero de vez en cando, entre esas ruínas volven xuntarse as persoas e Saumede volve existir en presente. Este ano, a séptima edición do Festival Ao Compaz é iso: unha verbena diferente os días 18, 19 e 20 de agosto para celebrar que somos quen de resucitar maxicamente. Non hai procesión pero si que hai comida e bebida a prezos populares e música con entrada gratuíta.

O programa deste ano toca todos os paos: haberá música intimista e música agresiva, música para bailar e música para escoitar sentadas, música prevista e música improvisada no momento, cancións protesta e cancións de evasión, composicións fantasticamente complexas e composicións de emocións sinxelas, experimentación e xéneros populares. Dentro disto, algunha será música en directo interpretada por artistas de gran talento e outra música enlatada seleccionada por pinchadiscos de gran talento tamén. Listámolos a continuación por orde alfatética. Atendede ao evento para saber máis de cada un destes proxectos!


Concertos:
Cró!
Esteban & Manuel
Glitchgirl
Lamprea Explosiva
Meus
Monstruo
MontañaMuerte
Mounqup
Ocre
Thee Boas
Zurraspa

Pinchadas:
Amanecer Dorado djs
ARIES (dj set)
Sister Act 2 Djs
Super Noodles dj set
Touro dj
VitaminC dj


A maiores, o domingo haberá unha sesión vermú con máis pinchadas, mercadiño de artesanía e produtos ecolóxicos, xogos tradicionais, zona infantil e campeonato internacional de petanca.

Se estás pensando en vir, aquí van unha serie de consellos prácticos:

1. Saumede conta con zona de acampada e aparcamento gratuitos, ademais dun bar no que se servirá comida e bebida, sempre con opcións vexetarianas e a prezos asequibles. Non se acepta o pago con tarxeta, polo que recomendamos que traiades cartos en efectivo para poder consumir no bar. Os caixeiros, supermercados e establecementos comerciais máis próximos están en Celanova, a 10 minutos en coche.
2. Non hai transporte público para chegar a Saumede. Se ides vir en coche, animámosvos a compartilo neste evento para poder axudar á xente que non ten como vir e ser máis eficientes en xeral.
3. Polo día, como na provincia de Ourense en xeral, soe ir moita calor. Pero polas noites refresca: traede roupa de abrigo.
4. Saumede é parte da Área de Allariz, catalogada como Reserva da Biosfera. Por favor, respectádea e empregade as papeleiras e cinceiros.
5. A zona de acampada non ten iluminación de noite, así que é mellor que traiades linterna.
6. Hai duchas ao aire libre á disposición de quen acampe. Recomendamos traer chanclas para utilizalas.
7. Haberá carteis que vos indicarán como chegar a Saumede, pero recomendamos que busquedes antes ou sigades as instrucións deste enlace: https://asociacionelpueblosaumede.wordpress.com/como-chegar/
8. Se sacades fotos e queredes compartilas, empregade o hashtag#saumede para que poidamos velas todos!
9. Se tes calquera cuestión, podes preguntala neste evento ou escribindo a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

O Festival Ao Compaz de Saumede non é un evento comercial, senón unha festa organizada pola Asociación El Pueblo Saumede e un grupo de persoas voluntarias, coa idea de dinamizar o lugar e servir de punto de encontro para creadoras e creadores artísticos. Ao ser gratuíto, as fontes de financiamento do festival e do proxecto de revitalización de Saumede son outras, coas que vos convidamos a colaborar:

1. O bar do festival: por favor, evitade traer comida e bebida de fóra e consumide os produtos ofertados pola organización.
2. Bote de donativos: durante o festival, estará á vosa disposición na barra un bote no que podedes botar as voltas ou o que consideredes oportuno para axudar a remunerar dignamente aos grupos e reparar algúns problemas pendentes de arranxar na aldea.
3. Crowdfunding: a Asociación creou unha campaña de micromecendo na que se ofrecen premios a cambio de aportacións que fagan posibles as obras e compras de material que nel se detallan: https://fr.goteo.org/project/festival-ao-compaz-de-saumede-2017

O cartel é obra de Pepa Prieto Puy
http://pepaprietopuy.tumblr.com/

Para que poidades organizarvos para mañá e pasado, tedes aquí os HORARIOS dos concertos!

VENRES 18
21:00 - Touro Dj
22:00 - MontañaMuerte
22:50 - Zurraspa
23:40 - Thee Boas
00:40 - Monstruo
01:30 - Lamprea Explosiva
02:00 - Super Noodles Dj Set
04:30 - Amanecer Dorado Djs

SÁBADO 19
13:30 - VitaminC Dj
21:00 - Ocre
21:50 - Mounqup
22:50 - Esteban & Manuel
23:50 - Cró!
01:00 - Meus
01:45 - Glitchgirl
02:30 - ARIES Dj Set
04:30 - Sister Act 2 Djs

Ademais contamos con outra sorpresa: Miss e Mister Saumede exercerán de mestres de cerimonias e estarán á vosa disposición para resolver calquera dúbida e saber máis sobre a aldea durante a vosa visita.

O domingo haberá pinchadas dos djs de guardia dende mediodía para amenizar o ambiente mentres se celebra o campionato internacional de petanca, se visita o mercado de artesanía e produtos ecolóxicos, e as nenas e nenos desfrutan da zona infantil ou os xogos tradicionais.

Location : Saumede (A Bola)

Back

Vindeiros Concertos:

Xov Dec 14 @18:00 - - Adhara & Ritman - Pazo de Mariñán - Mariñán, Bergondo (Bergondo)
Xov Dec 14 @22:00 - - Diego Negro e The Barefoot Zen Wonderers - Borriquita de Belém - Santiago de Compostela
Xov Dec 14 @22:00 - - Ezetaerre - Sala Moon - Santiago de Compostela
Xov Dec 14 @22:00 - - Espiño - Sala Sónar - Santiago de Compostela
Xov Dec 14 @23:00 - - Mr. Mou & Elephants Yard - Contrabajo Club - Vigo
Ven Dec 15 - Agoraphobia - Sala Baranda - O Barco de Valdeorras
Ven Dec 15 - Zurraspa + Las Odio - La Fábrica de Chocolate Club - Vigo
Ven Dec 15 @18:30 - - Paco Nogueiras - Libraría Libros para Soñar - Vigo
Ven Dec 15 @19:00 - - Pakolas - Fundaçom Artábria - Ferrol
Ven Dec 15 @20:30 - - Faltriqueira - Casa da Cultura - Neda
Ven Dec 15 @22:00 - - Pablo Sanmamed Trío - Filloa Jazz Club - A Coruña
Ven Dec 15 @22:00 - - Festa Presetaçom Apalpador Fest VI - CS Fuscalho - A Guarda

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto