A cantautora MJ Pérez presenta o seu terceiro traballo discográfico (primeiro de estudio) na sala A Fundación (Melide) . Será o venres 20 de outubro, na que MJ estará acompañada da súa banda ao completo.
Deste xeito, MJ Pérez compartirá ao vivo o que poderemos atopar neste álbum que marca un antes e un despois na súa traxectoria. Trátase dun traballo no que, sen deixar de lado a esencia, a artista explora novos camiños e estilos no eido musical. O single que a artista presentou en agosto, “Ai de Min!”, é unha boa mostra disto.
“Casandra” chega agora a Melide logo da boa acollida que tivo xa no inicio desta xira na que a artista pasou xa por Arzúa, Coruña e Ferrol.
https://www.youtube.com/watch?v=qiBD9TvdX9w
https://open.spotify.com/album/5TM5uqSFhGR3BtkO34sssT