Malraio debutamos o 19 de xaneiro de 2018 na Gentalha do Pichel. Aproveitaremos para presentarvos Prótese EP, a nosa posta de largo.

Ben, ao tratarse dun EP non está claro que se poida empregar a expresión "de largo", pero tampouco sería axeitado dicir "de curto". Podería ser algo así coma "de tres cuartos", coma un pantalón pirata, se non fose porque os pantalóns pirata son un horror.

A entrada será de 4€, 8€+CD e os horarios son prácticamente de verdade. Hai media hora de marxe para comezar, pero non máis. En serio. Alargar ese momento é desaconsellable, incluso cruel para o músico, que se refuxia no vicio para evadirse desa prórroga fatal, o que pode dar ao traste cunha velada que se figuraba gloriosa.

En fin. Vide, que pode suceder calquera cousa.

No noso bandcamp iremos subindo cortes do EP. Velaí:
https://malraio.bandcamp.com/album/pr-tese-ep

Fight the power!