DOUS en cuarteto no Bâbâ Bar (Circuito Agadic)
DOUS inicia o 7 de setembro no Bâbâ Bar da Coruña unha serie de concertos especiais en formación de cuarteto nos que presentará os temas do seu último traballo discográfico “A viaxe de Yoyo” xunto a unha selección de pezas dos seus discos anteriores.
Fernando Abreu nos clarinetes e Pablo Carrera nas guitarras estarán acompañados nestes concertos polos colaboradores habituais dos seu discos: o contrabaixista Pablo Pérez Sanmamed e o batería Marcos Vázquez.
A música de DOUS mestura influenzas das músicas do mundo e do jazz nun repertorio de composicións orixinais que na súa presentación en cuarteto vólvense máis enérxicas e abertas á improvisación.
22:00h