Home Cartafol Rock Cuchufellos

Cuchufellos Featured

Banda de speed-folk -como eles mesmos gustan de denominar ao seu estilo- formada na comarca de Trives en 1996.  Banda multicultural, con influencias musicais moi diversas, como o é a orixe dos seus membros, o que lle imprime un cuño novo á súa música, onde ten cabida dende a música tradicional galega até a balcánica, cunha salientábel presenza e protagonismo dos instrumentos de vento na súa formación, o que achega o seu son ás veces ao das charangas e ao de formacións da caste da Festicultores Troupe.


Malia as orixes diversas, o centro neurálxico desta banda é Maceda de Trives, -oficialmente coñecida polo topónimo deturpado Manzaneda-, de onde proveñen varios dos seus membros:, Andrés, gaita, Marcos e Fenoy na batería e percusións, e Davide na guitarra eléctrica, aos que se engaden músicos chegados doutras latitudes, coma os galegos Rubén, trompeta, Marcos Neira, saxofón, Telú, voz, e mais o polaco Darek no baixo e o alemán Mathias no laúde eléctrico, para remataren de conformar unha banda fondamente anovadora no panorama musical do país.

Ao longo dos 20 anos que estiveron en activo -despedíronse o 18 de novembro de 2016, na casa, no Festival A Rebusca da súa vila-, publicaron varios discos Speed Folk no 2005, Achegaivos feligreses no 2009 e Arreguizante, 2013, ademais de participar en varias compilacións.

Ao vivo no Freixo Rock de 2016


Escoita a música O Muíño

Novas Relacionadas:
Images (2)

Buscar no Cartafol:

Índice Alfabético de Grupos

A-B-C-D-E-F-G-H-I-J-K-L-M-N-O-P-Q-R-S-T-U-V-W-X-Y-Z

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto