Que vén sendo o Cartafol?

  • Que é o cartafol? O Cartafol é unha base de datos da música galega. Grupos, solistas, formacións tradicionais, etc.
  • E para que serve? Pois para aprendermos da nosa música e para ter onde ir buscar un contacto, unha web, etc.
  • Quen fai o cartafol? O Cartafol é un proxecto que comezamos en GZmúsica pero agora temos que facer medrar entre todas.
  • Como se colabora? Dentro duns días habilitaremos o rexistros de usuarios. As persoas que se rexistren poderán, entre outras cousas, subir contidos ao cartafol.
  • E se non lle controlo para andar a editar? Pois podes mandar un mail a info@gzmusica.com coa info e nós encargámonos de subila ;-)


Home Cartafol Folk Ardentía

Buscar no Cartafol:

Ardentía

Comarca
Video
En activo
si

Grupo de música tradicional galega nacido en 1990 na cidade de Vigo. Ardentía destaca pola incorporación na súa música, e nos seus concertos, dunha serie de instrumentos que non adoitaban estar presentes nas formacións de música folc galega coma birimbau, clarinete ou requinta ademais dos cantos populares interpretados por homes. O grupo fixo a súa estrea co disco compartido Para brincar no rueiro, (¿, 1996), acarón de Beladona e Crema de Gaita, para logo comezar a súa andaina que, con dous discos editados, Ardentía, (Do Cumio, 1998), Retellando, (Do Cumio, 2002?), consolidounos coma un grupo cunha traxectoria sólida nos últimos quince anos. Rumbas, xotas e muiñeiras recolleitas dos mestres gaiteiros da bisbarra de Vigo, sen esquencer os gaiteiros das montañas luguesas e as cantigas de Portugal, conforman o repertorio do grupo, onde tamén hai espazo para temas compostos polo grupo con influencias da tradición. Despois de sufrir varias mudanzas nos seus membros, na actualidade a formación de Ardentía é: Roberto Cendón, gaita e clarinete; Salvador Pérez, gaita e pandeireta; Cristobal Pascual, tambor e zanfona; Luis Prego, acordeón, gaita e pandeira e mais Miguel A. González, bombo e percusión.

No 2011 publicaron un novo traballo, Vintage.

Novas Relacionadas:
Images (1)

Índice Alfabético de Grupos

A-B-C-D-E-F-G-H-I-J-K-L-M-N-O-P-Q-R-S-T-U-V-W-X-Y-Z

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto