Que vén sendo o Cartafol?

  • Que é o cartafol? O Cartafol é unha base de datos da música galega. Grupos, solistas, formacións tradicionais, etc.
  • E para que serve? Pois para aprendermos da nosa música e para ter onde ir buscar un contacto, unha web, etc.
  • Quen fai o cartafol? O Cartafol é un proxecto que comezamos en GZmúsica pero agora temos que facer medrar entre todas.
  • Como se colabora? Dentro duns días habilitaremos o rexistros de usuarios. As persoas que se rexistren poderán, entre outras cousas, subir contidos ao cartafol.
  • E se non lle controlo para andar a editar? Pois podes mandar un mail a info@gzmusica.com coa info e nós encargámonos de subila ;-)


Home Cartafol Folk Emilio Cao

Buscar no Cartafol:

Emilio Cao

Músico compostelán nado en 1953 que se deu a coñecer con Fonte do Araño, (Zafiro, 1977) -antes colaborara co colectivo Voces Ceibes-, disco que encetou a conexión galaica co atlantismo musical puxante daquela noutras nacións europeas, nomeadamente Bretaña. Ao igual que a figura senlleira da música bretoa, Alan Stivell –que incluso chegou a escribir unhas liñas para a estrea discográfica de Cao-, foi a arpa o instrumento escolleito, seica por casualidade , por Emilio Cao para afondar na creación artística. Para alén da devandita estrea discográfica e d’A lenda da pedra do destiño (Guimbarda, 1980), ambos os discos encadrados de cheo na corrente celta do momento, as seguintes producións de Cao non tiveron na Galiza a repercusión que, proporcionalmente, acadaron no resto de Europa . Isto non debe achegar dúbidas sobre a calidade dos seguintes discos do arpista, que malia afastarse dos vieiros do folk, mellor sería dicir que medrando dende eles, pescudan novas vertentes musicais sen esquencer as raigames. A colaboración que mantivo co courelao Uxío Novoneyra, materializada en Amiga alba e delgada (Boa, 1986), e a visión da obra de Manuel Antonio que ofrece Cartas mariñas (Boa, 1992) son exemplos desta nova xeira que continuou o compostelán con Sinbad en Galicia (Boa, 1996).

Novas Relacionadas:
Images (2)

Índice Alfabético de Grupos

A-B-C-D-E-F-G-H-I-J-K-L-M-N-O-P-Q-R-S-T-U-V-W-X-Y-Z

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto