Que vén sendo o Cartafol?

  • Que é o cartafol? O Cartafol é unha base de datos da música galega. Grupos, solistas, formacións tradicionais, etc.
  • E para que serve? Pois para aprendermos da nosa música e para ter onde ir buscar un contacto, unha web, etc.
  • Quen fai o cartafol? O Cartafol é un proxecto que comezamos en GZmúsica pero agora temos que facer medrar entre todas.
  • Como se colabora? Dentro duns días habilitaremos o rexistros de usuarios. As persoas que se rexistren poderán, entre outras cousas, subir contidos ao cartafol.
  • E se non lle controlo para andar a editar? Pois podes mandar un mail a info@gzmusica.com coa info e nós encargámonos de subila ;-)


Buscar no Cartafol:

Ialma

Grupo creado por cinco cantantes que comezaron a súa andadura no Centro Galego de Bruxelas acompañando ao grupo de baile desta entidade. 

Ialma chama a atención do selo Zoku, creada por EMI Bélxica. Palabras darei, (Zoku, 2000) primeiro álbum supón xa unha certa transgresión respecto ás normas tradicionais propias. As cantantes arrédanse dos camiños da tradición para voltar, igualmente, ás raíces. Nesta andadura mostrarán que os seus camiños se xuntan con outras culturas e atravesan rexións con outros ritmos, con violíns, acordeóns diatónicos e outras expresións culturais igual de enriquecedoras que as das súas orixes. Co segundo disco, Marmuladas, (Zoku, 2002) é cando chega unha certa madurez ao grupo e o interese por Ialma en Galiza.

Ademáis de falar e cantar en galego, as rapazas de Ialma recollen os cantares transmitidos polas vellas xeracións de cantareiras galegas. Despois dos 2 discos con Zoku, chegarían Nova era, (Kerua, 2006) e Simbiose, (FOL música, 2011), traballos que xa tiveron moito eco no noso país.


Novas Relacionadas:
Images (4)

Índice Alfabético de Grupos

A-B-C-D-E-F-G-H-I-J-K-L-M-N-O-P-Q-R-S-T-U-V-W-X-Y-Z

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto