Que vén sendo o Cartafol?
Que é o cartafol? O Cartafol é unha base de datos da música galega. Grupos, solistas, formacións tradicionais, etc.
- E para que serve? Pois para aprendermos da nosa música e para ter onde ir buscar un contacto, unha web, etc.
- Quen fai o cartafol? O Cartafol é un proxecto que comezamos en GZmúsica pero agora temos que facer medrar entre todas.
- Como se colabora? Dentro duns días habilitaremos o rexistros de usuarios. As persoas que se rexistren poderán, entre outras cousas, subir contidos ao cartafol.
- E se non lle controlo para andar a editar? Pois podes mandar un mail a info@gzmusica.com coa info e nós encargámonos de subila ;-)
Buscar no Cartafol:
Borderline79
En 2008 nace a idea de fundar BORDERLINE79, unha banda de metal alternativo procedente da comarca do Salnés.
Logo de varios anos e moitos cambios, tanto de estilo como formación, en 2012 estabilízanse con Artur, Borja, Joel, Suspen e Tonsi. Cun estilo moi propio achegado ao metal alternativo, consolidáronse na escea local coma un dos grupos máis novos.
BORDERLINE79 ofrece un extenso repertorio de temas propios en galego e un directo brutal ( premio a mellor posta en escea en 2011 no “I Certame de Bandas dos locais de ensaio de Vilagarcia De Arousa” ).
Tocando en festivais da talla das Revenidas ( con grupos como Dios Ke Te Crew, O Leo, Terbutalina,… ), están traballando no proxecto dun primeiro EP.
Images (2)
