Que vén sendo o Cartafol?

  • Que é o cartafol? O Cartafol é unha base de datos da música galega. Grupos, solistas, formacións tradicionais, etc.
  • E para que serve? Pois para aprendermos da nosa música e para ter onde ir buscar un contacto, unha web, etc.
  • Quen fai o cartafol? O Cartafol é un proxecto que comezamos en GZmúsica pero agora temos que facer medrar entre todas.
  • Como se colabora? Dentro duns días habilitaremos o rexistros de usuarios. As persoas que se rexistren poderán, entre outras cousas, subir contidos ao cartafol.
  • E se non lle controlo para andar a editar? Pois podes mandar un mail a info@gzmusica.com coa info e nós encargámonos de subila ;-)


Home Cartafol Ska/Reggae Banda Potemkin

Buscar no Cartafol:

Banda Potemkin

Comarca
Video
En activo
non

Banda Potemkin foi unha banda de mestizaxe formada na Coruña por antigos membros de formacións coma os Papaqueixos, Miki Nervio & The Bluesmakers ou Meninhos da Rúa. Tiveron certo suceso nos festivais galegos da primeira década do século XXI, cunha proposta festeira que non deixaba de sinalar os problemas da sociedade actual. O seu tema máis coñecido, Calindra Xida, apareceu no compilatorio A Per Loca!! (Komunikando, 2006).

A proposta desta banda céntrase na variedade de ritmos balcánicos, afro-caribeños, funk, disco, rock e folk, co común denominador de facer música bailable, alegre e divertida, que chegue a todo o mundo sen importar razas, culturas, nin etiquetas, e sen que isto sexa incompatible coa calidade musical. As súas letras mostran frescura e humor característico no tratamento das realidades sociais e persoais que estamos a vivir hoxe en dia.

Resumindo, a Banda Potemkin na súa odisea vai espallando festa, humor, e ganas de pasalo ben, cun directo cheo de forza e calidade no que se mesturan elementos de todo tipo, nun cóctel único froito da colaboración de todos e cada un dos músicos que forman a banda.

 A formación máis habitual da Banda Potemkin era:

Manolo: Frauta e voz; Miguel: Gaita, percusións e voz; Louren: Bombardino; Rubén: Guitarra; Anxo: Baixo e Santi: Batería.

Novas Relacionadas:
Images (1)

Índice Alfabético de Grupos

A-B-C-D-E-F-G-H-I-J-K-L-M-N-O-P-Q-R-S-T-U-V-W-X-Y-Z

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto