Que vén sendo o Cartafol?

  • Que é o cartafol? O Cartafol é unha base de datos da música galega. Grupos, solistas, formacións tradicionais, etc.
  • E para que serve? Pois para aprendermos da nosa música e para ter onde ir buscar un contacto, unha web, etc.
  • Quen fai o cartafol? O Cartafol é un proxecto que comezamos en GZmúsica pero agora temos que facer medrar entre todas.
  • Como se colabora? Dentro duns días habilitaremos o rexistros de usuarios. As persoas que se rexistren poderán, entre outras cousas, subir contidos ao cartafol.
  • E se non lle controlo para andar a editar? Pois podes mandar un mail a info@gzmusica.com coa info e nós encargámonos de subila ;-)


Home Cartafol Tradicional Henrique Otero

Buscar no Cartafol:

Henrique Otero

Comarca
Video
En activo
non

Gaiteiro nado o 20 de xuño de 1930 en Santa Cristina de Lavadores, Vigo, ao que lle corresponde a honra de ser o primeiro mestre de gaita no Conservatorio Municipal da cidade olívica, comezou a impartir aulas en 1971, nunha praza que despois ocuparían sobranceiros alumnos seus coma Carlos Núñez. Foi Otero o primeiro gaiteiro en escribir un método para a aprendizaxe da gaita e leva composto por riba máis de douscentos temas, que interpretou ao longo dos anos coa formación á estivo ligada a súa andaina artística, o grupo Os Cruceiros, xunto aos que gravou varios discos nos anos sesenta e setenta do pasado século; moitas destas composicións seguen hoxe vivas nas interpretacións que fan delas grupos da calidade de Noitarega ou Treixadura. Xa en solitario gravou O gaiteiro do Fragoso, (Do Fol, 2001), quince cortes que son unha magnífica escolma do grande repertorio que atesoura ao longo dos seus máis de corenta anos de vida adicada á gaita. Neste CD acompáñano músicos do grupo tradicional Noitarega e Beatriz Riobó, que pon a voz no único tema cantado do disco. O disco amosa a pericia técnica e a sensibilidade musical de Henrique Otero, e os temas van desde os ritmos tradicionais da muiñeira ata o máis estraño da polca, todos eles empregados con grande acerto e axustando o ritmo á intención. Para alén disto, os temas preséntanse con candaseu texto, do propio gaiteiro, en que explica como xurdiu cada peza.

Novas Relacionadas:
Images (1)

Índice Alfabético de Grupos

A-B-C-D-E-F-G-H-I-J-K-L-M-N-O-P-Q-R-S-T-U-V-W-X-Y-Z

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto