Home Cartafol Folk Mutenrohi

Mutenrohi

Grupo folk ourensán que debutou en xullo de 1993 aínda que tiraron o seu primeiro disco tres anos despois O mal tempo, (Sons Galiza, 1996). Non tardaron os Mutenrohi en gravar un disco ao vivo e aproveitaron a súa actuación no Teatro Principal de Ourense no mes de marzo do 97 para elaborar ¡Has bailar!, (Zouma Records, 1997), o que os levou a fichar por unha multinacional, Arcade, que editou Mutenrohi, (Arcade, 1998), resumo dos seus traballos anteriores. Despois chegou Cousas da Lúa, (Arcade, 1999), que permitiu ao grupo acadar moita máis proxección e ate acompañar a Alan Parson Project nunha xira pola península. A saída da gaiteira Cristina Pato para comezar a súa carreira en solitario, que trouxo a entrada do gaiteiro Xurxo Brea, precedeu a aparición de Danze, (Zouma Records, 2001), onde o grupo recunca co selo galego despois da aventura na multinacional inglesa. Cecais sexa este cuarto traballo onde o grupo ourensán acade a súa madureza creativa, cunha presenza notábel da voz, coa entrada de Cristina Barriga, e unha equilibrada mistura entre temas tradicionais e pop, con influencias da electrónica. Esta liña mantívoa Mutenrohi no quinto disco da súa prolífica carreira, Maio, (Zouma Records, 2003), que significou ademais a estabilidade definitiva na formación, semellante a do anterior traballo e composta por Juan Carlos Fernández. Fasero, voz e guitarra, Ivan Salgado, piano e teclados, Javier Reza, baixo, Raquel Rodríguez, violín, Abrahám Vila, batería, Cristina Barriga, voz, ademais de Xurxo Brea, gaita e frautas. Cómpre salientar a importante presenza do grupo nunha abondosa listaxe de traballos compilatorios que baixo o selo de música galega, ás veces inserido no máis amplo de música celta, foron editados nos últimos dez anos, coma o curioso Galicia chill out, (Enterphonics, 2003), que aproxima a música galega ao novo estilo de música acougante creado nas festas tecno.

Tirado no ano 2005, E Van Dez, supuxo a celebración do décimo aniversario da banda.

Novas Relacionadas:
Images (2)

Buscar no Cartafol:

Índice Alfabético de Grupos

A-B-C-D-E-F-G-H-I-J-K-L-M-N-O-P-Q-R-S-T-U-V-W-X-Y-Z

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto