A próxima fin de semana camiñando “Nos Seus Pés”

Non sabemos se vós  coñecedes este festival, a verdade é que nós vimos de coñecelo vai pouquiño, pero vémolo con ilusión e esperanza, porque máis cousas así tiña que haber na terriña, pois se non axudamos as que podemos… quen o vai facer?

Ler máis

Xa está a chegar a IV Muiñada de Vimianzo

Primeiramente comezar pedindo desculpas, por ter tan parada a web estes últimos meses. Pouquiño a pouco tentaremos ir retomando a actividade normal.O Próximo sábado 20 de Outubro Vimianzo volta á época da infancia de moitas veciñas e veciños, ou inclusive das súas nais e avoas. Un pasado labrego que se lembra con foliada, concertos, magosto, teatro, gastronomía, xogos, obradoiros e unha morea de a...

Ler máis

Os Caamagnos nos Países Baixos (Fotocrónica)

A Caamagnada toda marchou para as Netherlands hai uns días. Foron representar, xunto a Nastasia Zürcher, o noso país no Liet Int, o festival de música das línguas minorizadas que se celebrou en Leeuwarden. E para unha vez que alguén marcha para aló e non se vai buscar a vida ou perdela polos coffee shops, decidimos pedirlle emprestada ao Antonio Pazos a fotocrónica que fixo da viaxe, a ver como ll...

Ler máis

Primeira edición do The Dub Yard Festival

Hai agora un mes a Sala Rebullón acolleu a primeira edición do The Dub Yard Festival. O evento serviu tamén como presentación do novo selo discográfico galego, centrado no reggae e con sede en Vigo, The Dub Yard Records, que nace da man de Javier Vicente. Aquí vos quedan crónica e vídeo de Lety GF e fotos de Andrea Meraki daquela longa noite de reggae.

Ler máis

O Carballiño e Ourense abren a ruta festivaleira deste ano

A Romería Rock Arenteiro e o OurenRock Sound, a última fin de semana de maio e a segunda de xuño respectivamente, serán as primeiras citas -aínda nesta primavera- dun verán festivaleiro que volverá encher de música todos os recantos do país. Dakidarría, Ezetaerre ou Rebeliom do Inframundo, dentro das propostas nacionais, e El Drogas, El Último Ke Zierre, 13 BATS, Riot Propaganda ou Xavi Sarriá, ch...

Ler máis

Malandrómeda no Aturuxo (06/05/18)

Máis unha vez, pasamos o alto da Portela para nos achegar até o Aturuxo de Bueu. Desta volta a razón era o concerto de Malandrómeda, que volvía por terras do Morrazo coa súa flamante banda a nos mostrar como lle aquelaban saxo, teclado e batería aos seus temas. O Xabicas, coma sempre que hai música no Atu, e mais o Lavesedo estiveron aló e armaron esta reportaxe ben curiosa. Non deixes de ler, ver...

Ler máis
012345

McOnaK e Skándalo GZ, hoxe ao vivo en Vigo

Despois de tres meses de parón por motivos persoais, a banda de Ponteareas volve aos escenarios. Fárano acompañados polos McOnak, banda vasca de punk-folk que vén a Galiza por vez primeira e faino para presentar Galarrena, o seu segundo traballo. Onte tivemos a ocasión de falar un pedazo co Joseba, un dos integrantes de McOnak, que nos contou que poderemos ollar hoxe na Fábrica de Chocolate.

A cita é ás 22:00h -con máxima puntualidade obrigada polos horarios marcados polo concello de Vigo- e os primeiros en saltar ao escenario serán os do Condado. A banda de punk-ska leva uns mesiños parada e volve con máis ganas ca nunca. Despois de presentar o novo disco, Abríndose camiño, en xuño de 2015 e de tocar no verán en festivais coma o Son das Mámoas de Candeán ou o Castelo Rock de Muros agora será a quenda para poder seguir gozando do convite ao baile e das letras directas dos bretemosos Skándalo GZ nas salas ou locais do país.

Despois dos galegos, chimparán ao escenario da sala viguesa os McOnak. A banda de Lekeitio vén por vez primeira ao noso país e faino para presentar o seu segundo disco de estudio, Galarrena (Galerna, en galego), gravado nos estudios Musikon de Mungia e Altxatune de Aulesti, da man dos irmáns Txortx e Pitu Etxaberrieta e presentado na feira do libro e do disco de Durango no mes de decembro de 2015. Os lekeitiotarras comezaron andaina hai 4 anos, cando se comezaron a xuntar Kemen e Joseba para facer versións de grupos de punk-rock e folk e mais argallar os primeiros temas de seu. Apenas nun par de anos novos membros entraron na banda e gravaron a súa McEta coa que comezaron a xirar por toda Euskal Herria.

Tivemos a ocasión de parolar un chisco onte con Joseba que nos apresentou o que vai haber esta noite en Vigo. Segundo o guitarrista e cantante de McOnak, a banda nace cun pouso claramente punk-rock presente en todos os seus membros -que participan ou teñen participado noutras bandas dese estilo ou doutros coma o reggae- ao que decidiron unirlle sons celtas, na liña de formacións coma The Pogues ou Flogging Molly. O Joseba explicounos que, alén dos seus gustos, entenderon que estes estilos eran os máis acaídos para a temática mariñeira que é unha constante nas letras dos McOnak. De feito, o propio nome do grupo refírese a un peixe típico das costas vascas de escaso valor comercial -do que Joseba non soubo darnos tradución, nós dubidamos entre muxos ou lorchos :P- e as referencias ao mar, aos mariñeiros, etc son constantes tanto na súa estrea discográfica Piraten Matxinada (A revolta dos piratas, en galego) coma neste Galarrena que veñen presentar hoxe. Nunha liña máis contundente ca outras bandas vascas coma Deiedra ou os históricos Sorotan Bele, o seu estilo é semellante ao dos Bastards on Parade, cos que van compartir escenario dentro de pouco no País Vasco. 

Xa que logo, noite de ska, punk, folk e mesmo country da man dos galegos Skándalo GZ e os vascos McOnak por apenas 6 euros na Fábrica de Chocolate. Aquí vos deixamos un videoclip dos de Lekeitio, non digades que non se parece a ISTO.



Engadir un comentario


Código de seguridade
Recarregar

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto