A Orquestra Bravú Xangai apresentou o seu disco de estre, Os saxofóns de occidente, o pasado 2 de marzo de 2024 no Garufa Club da Coruña. E non foi unha presentación calquera, foi unha festa vigocoruñenta, vella idea do Xurxo Souto de irmanamento das dúas grandes cidades do país. Ademais da banda que presentaba o disco, os Vacalouras de Teis puxeron a contraparte sureña da xornada. E o ramo veu coa presentación do videoclip do Gato, canción incluída no disco da Xangai. Feito por xente desta web, o Martín Rodas á dirección e Dani Lavesedo guión, o clip conta a verdadeira historia do Ghato de Vilariño.
Dicimos que foi no Garufa, mais a verdade é que a festa comezou na Buserana, despois de encher o bandullo con mexillón de Lorbé, cun pasarrúas que foi guiando o público deica á sala. Unha sala Garufa chea a rebentar con máis de 200 persoas que non deixaron de bailar con ningún dos dous grupos.
Nós xa sabiamos do directo dos Vacalouras pero para moitos foi unha sorpresa a potencia dos de Teis. Despois, apoteose coa Xangai e entre grupo e grupo a presentación do clip que Martín Rodas e Lavesedo lles fixeron aos da Coruña.
Botádelle un ollo ao vídeo-resumo que armamos:
E tamén ao clip:
}
}
}
}
}
}
}
}
}
}