Unha viaxe polo hip hop da Lusofonía

17 de maio, día das Letras, quixemos compartir convosco esta viaxe polo hip hop feito en galego e portugués ao longo do mundo todo. Unha presentación en que poderás descubrir artistas a cantar na túa lingua en 3 continetes diferentes. E varias webs ou lista de youtube con milleiros de cancións. Como di o Manifesto Villalta, polo reencontro didáctico entre a música e a poesía, aproveitemos o talento creativo da cultura galega. E xa, polo mesmo prezo, abramos a xanela ao resto da cultura lusófona.

Anxo Araújo presenta ‘Aprender a bailar’

A Revolta do Umia: música, natureza e sustentabilidade nun festival singular

A quinta edición do festival A Revolta do Umia celebrarase en Vilar de Mato, en Cuntis, os días 26 e 27 de agosto. Entre os grupos deste ano destacan Bala, Terbutalina, Grande Amore, ou Kings of the beach, nun cartel heteroxéneo que vai desde a electrónica ou o punk-rock ata o hip-hop. Entre as novidades deste ano destacan a celebración dun mercado de artesáns, a proxección de curtas gañadoras no festival LAV.mov, un obradoiro de cerámica castrexa, entre outras actividades dun completísimo programa.

Tiruleque celebra vinte anos na música

Xira e lanzamento dun recompilatorio cos seus grandes temas. A banda coruñesa celebrará nas vindeiras semanas o seu 20º aniversario, e o comezo será na Sala Garufa o próximo sábado 30 de abril para abrir unha xira de aniversario que levará o grupo a Santiago, Ferrol ou Lugo durante o mes de maio. Neste primeiro concerto soarán cancións habituais do seu repertorio e as dúas inéditas que se recollen en ‘Tiruleque, 20 anos no camiño’, o disco co que celebran o seu 20º aniversario.

Xague1, álbum de debut de Breogán Xague

O polifacético Breogán Xague vén de publicar Xague 1, a súa estrea discográfica e a primeira parte dunha triloxía que promete adentrarse na experimentación máis extrema. Sampleos que beben do imaxinario popular e rimas que derruban tópicos nun traballo que, coma a propia triloxía, fala da emigración, do que volve á súa terra sabendo que vai volver marchar. 

Mulleres Galegas Kañeras: Paulinha

GZmúsica estrea colaboración con Mulleres Galegas Kañeiras e Músicas Galegas Ilustradas. Imos tentar colaborar na visibilización da presenza feminina nun panorama tan masculinizado como é o da música, nomeadamente nos estilos máis duros, como rock ou heavy. E para iso poñemos as nosas cámaras ao servizo da coñecemento musical de Patty para que, xunto cos debuxos de Laura, poidamos achegarvos mensualmente unha entrevista a fondo con algunha destacada música do país. E a primeira, con disco quentiño do forno que se presenta mañá en Cambados, é Paulinha.

Entrevista a Esposa no Festival Novos Cinemas

Decembro de 2018, Pontevedra ateigase de cine da man do Festival Novos Cinemas, pero este ano non só trae cine senón que ven acompañado dunha ampla programación musical. Achegámonos ata a sesión vermú do sábado, presentación do proxecto Galician Bizarre III e música a cargo de Esposa.

NAO no Culturgal 2018

Achegámonos á que é a Feira das Industrias Culturais de Galiza -o Culturgal-. No sábado día 1 de Decembro puidemos falar cos NAO, tan só uns días antes da presentación en sala do seu derradeiro traballo "Ata que o lume se apague". Ao culturgal tamén foron presentar un petisco de dito disco xa que foron os encargados de pecha-lo espazo carpa, rematando o pequeno directo rodeados de amigos.

"Comezamos cuspindo rabia e agora estamos tratando de darlle amor, enerxía e alegría á xente que, coma nós, pelexa día a día"

Dakidarría publica hoxe o seu novo EP, Filosofía incendiaria, noveno traballo en 15 anos da banda do Val Miñor. Aproveitamos a ocasión para recuperar a nosa sección de entrevistas e falar un pouquiño con Gabri, o cantante do grupo. Velaquí tes o que lle contou onte ao noso compañeiro Lavesedo. E de paso, podes escoitar as 5 cancións que compoñen o novo EP de Dakidarría.

Galicia Fest: Galicia enteira é un festival

Igual xa as viches por algún festival, gravando e sacando fotos. Ou quizais es seguidora da súa Youtuber, Catuxa. Se non é así, presentámosche un novo proxecto arredor da música galega, Galicia Fest. Un proxecto multiplataforma que naceu como TFG de catro alumnas da Universidade da Coruña e que hoxe mesmo foi apresentado diante do tribunal, que as felicitou polo traballo e as animou a continuar. Cadramos con 3 delas, Julia, Cris e Berta en Combarro hai unhas semanas. Foran até alá para entrevistar un dos organizadores do Armadiña Rock, Afonso Vilanova, e nós aproveitamos para tomarlle un refresco -houbo quen se atreveu coa cervexa con ghasiosa- na vila mariñeira e falar un chisco con elas.