Últimos días para se apuntar ao concurso de grupos emerxentes que están a promover dende o Festival Revenidas no Facebook. Por se tedes unha banda e aínda non te enterárades, deixamos as bases do concurso. Xa hai un feixazo de bandas anotadas, así que xa sabedes, aquí tedes unha boa oportunidade, para darvos a coñecer pero... Ollo! o prazo remata sábado 16!!
Queres tocar no Revenidas? Esta é a túa oportunidade
Se es un grupo que está dando os seus primeiros pasos nesto da música, se estás desexando poder amosar o teu bo directo nun festival e se tés moitos seguidores nas redes sociais, quizáis che interese participar no Concurso de Grupos Emerxentes do Festival Revenidas.
Bordeline79 de Vilaxoán, que abriu o festival o ano pasado
As únicas condicións son:
- Non ter publicado ningún disco
- Ter un repertorio propio de 6 cancións de música en galego
- E estar dispostos a someterse ao escrutinio popular
Que tedes que facer?
Enviarnos a Este enderezo de correo está a ser protexido dos robots de correo lixo. Precisa activar o JavaScript para velo. un link a un vídeo voso en Youtube ou Vimeo, unha fotografía do grupo, un pequena biografía e, se tedes, os links ás vosas redes sociais.
Prazos
A presentación de candidaturas rematará o 16 de xuño. Despois de que a organización reciba todo o material todos os participantes serán presentados no Facebook de Revenidas para que os seguidores do festival, voten e escollan o que ao seu favorito. Só se poderá votar unha vez, a través dunha aplicación especial para concursos en redes sociais. A votación rematará o 30 de xuño. Os tres grupos con máis votos pasarán a final, na que un xurado composto por Xoán Quintáns, membro da organización, Suso Piñeiro, xornalista de Sermos Galiza, e Xurxo Souto, integrante dos Diplomáticos de Monte Alto, elexirán o gañador. O anuncio será a primeira semana de xullo.
O grupo afortunado poderá tocar no festival co resto das bandas e daráselle un premio de 300 euros, ademais de entrar na promoción en medios do festival, igual ca o resto das bandas.