XOVES 15 21:00 7€
PABLO SAX TRÍO
Artellando un relato intimista con vocación de acadar sentimentos e agradecementos que levaban tempo agardando a ser amosados ao ouvinte máis esixente, fuxindo das formas canónicas predominantes, sen perder a esencia deste tipo de música, onde a improvisación é fundamental, e achegando unha visión diferente ao panorama musical galego, dende unha perspectiva periférica e libre.
Unha paisaxe sonora, froito do labor compositivo do líder e artífice desta obra, que está acompañado por: Pablo Pérez Sanmamed (contrabaixo, oud, arranxos), Sergio González (batería), e como músico convidado en cinco pezas, David Lojo (trompeta/fliscorno).