XOVES 12 AS 21:00
LULAVAI
Catro mulleres: Lorena Reinaldo, Paula Oanes, Josefa Fernández e Elena Paz. Elas forman este insólito cuarteto, onde o protagonismo de 4 arpas celtas e a polifonía das súas voces, dan vida a unha formación única, chamado Lulavai.
Lulavai interpreta sobre os escenarios unha serie de temas baseados na música tradicional galega, arranxados para arpas, combinados con moitos temas compostos por elas mesmas.
No concerto sucédense cambios de instrumentos, de posicións, e de estéticas visuáis. As compoñentes de lulavai intercalan as súas interpretacións en arpa celta, co uso de instrumentos de percusión, sorprendendo ó público en moitas ocasións.
Desde temas repousados, para escoitar cos ollos pechados, ata os máis rítmicos ó máis puro estilo tradicional.


Entrada: 7,00 €