BARRO APRAZA OS CONCERTOS DO VIÑO POR CAUSA DAS PREVISIÓNS DE CHOIVA PARA A FIN DE SEMANA

O Goberno municipal tomou a decisión de aprazar os Concertos do Viño programados para esta fin de semana por causa das previsións de choiva tanto para o sábado como para o domingo e ante a imposibilidade de trasladar o evento a un lugar cuberto cumprindo coas normas de distanciamento social ditadas polas autoridades sanitarias.
O concello xa está buscando novas datas para a realización deste evento e anuncia que valerán as mesmas entradas para as novas datas.