domingo 10 agosto 2014
Vistas : 293
Domingo, 10 de agosto ás 21:00
Pesdelán propón un lecer diferente ao redor do baile e para todos os públicos.
Levan vendidas máis de 4000 copias do seu primeiro disco Na punta do pé
Pretenden cambiar o concepto de público espectador polo de público participante
Disposto a recuperar a cultura participativa das festas, este curioso grupo de músicos pretende non descansar ata poñernos a todos a bailar.
Pesdelán é moito máis que un grupo de música. Mediante a música en vivo e o ensino de bailes e xogos sinxelos ao público, pretende recuperar o espírito participativo das festas e integrar a todas as persoas sen importar a súa idade, condición física ou experiencia.
Unha das integrantes do grupo animaranos a seguir os seus pasos, que nos explicará de forma sinxela e amena, para que todos e todas poidamos unirnos á festa.
Acompáñana un grupo de grandes músicos e músicas que interpretarán as melodías tradicionais para podelas bailar.
O tempo pasará sen darnos conta mentres aprendemos, rimos, bailamos e coñecemos as e os nosos novos compañeiros de baile.
Organiza: Concello de Melide
Colabora: Deputación da Coruña
Ciclo Verán Cultural
Entrada de balde
Lugar: Praza do Convento - Melide