A OFG SonDeSeu presenta Danzas Brancas en Melide. Será o sábado 2 de agosto, no Cantón de San Roque, ás 22:30hs. cando os 45 músicos desta formación orquestral dirixida polo prestixioso músico Rodrigo Romaní, levarán á vila dos Garceiras todo o vigor, frescura e enerxía dunha música tradicional galega peneirada por uns arranxos e composicións tan orixinais e contemporáneos como respectuosos co noso patrimonio musical. O concerto inscríbese dentro da programación cultural do Concello melidense da primeira quincena de agosto como antesala das festas de San Roque.

OFG SonDeSeu ao vivo
Sábado 2 de agosto
22:30hs
Melide, Cantón de San Roque