Acompañando a saída do noso novo traballo discográfico Séculos Escuros faremos un concerto presentación na Sala Sónar de Compostela o 14/02/15 (pasamos moito desa invención do Corte Inglés chamada "dia dos namorados"). Será un evento moi especial para nós xa que suporá o noso primeiro concerto despois de máis dun ano calados e no que presentaremos as novas cancións e algunha sorpresa máis. Para facer esta noite máis especial aínda, contaremos coa compañía de Barbitúricos Sound System que estarán abrindo o concerto.

Se non queredes perdervos o concerto tédelo ben fácil, entrada única de 5€ que podedes mercar en anticipado en A Reixa Tenda ou senón na billeteira do Sónar o propio dia do concerto. A apertura de portas será ás 21:30h.

Agardamos vervos a todos alí!