Axenda
Xiana Fest
sexta feira 08 xullo 2016
Vistas : 221
XIANA FESTIVAL é un festival independente de música galega.
Organizado de forma autoxestionada por un grupo de amigos/as da vila, celebra a súa primeira edición o próximo venres 8 de Xullo en Ordes (A Coruña).
Preséntase como un espectáculo sonoro alentado pola calidade das mellores bandas do noso país e a reivindicación da nosa música como máxima fonte de riqueza cultural.
Deste xeito logra ofrecer sobre un mesmo escenario e de maneira totalmente autoxestionada unha variedade de estilos sen complexos nin limitacións onde poder desfrutar durante máis de catro horas dun ambiente festivo de música e amizade apto para públicos de todas as idades.
As bandas galegas confirmadas para esta primeira edición son:
NAO
SUPEROITO
MALANDRÓMEDA
ATAQUE ESCAMPE
As entradas atópanse á venta de forma anticipada (6€ en entradium.com) e tamén en taquilla (10€) ese mesmo día.
Pretende deste xeito, co tempo asentarse como un dos festivais de referencia en Galicia.
Lugar: Discoteca LP45 - Ordes