Pauliña, nome artístico de Paula Chaves, é unha compositora e cantante cambadesa que transita coa súa música os vieiros do rock, rhythm'n'blues ou o country. Debutou no 2018 co traballo "De-xeneración" (Xonix Records, 2018).
O seu disco de estrea fala da violencia de xénero, fai denuncia social e toca tamén o narcotráfico. Todo cunha perspectiva poética nas letras e moi próxima ao country no son. Alén de por este seu disco de estrea, Pauliña deuse a coñecer polas colaboracións que fixo na altura (anos 2016-2018) con diferentes bandas consolidadas do panorama rock galego, como Ruxe Ruxe ou Nao.
Pauliña e banda, a comezos do 2020
No 2020 chega o seu segundo disco, A malfalada (Xonix Records, 2020), un notabílisimo traballo que supuxo un gran salto de madurez -en todos os aspectos, compositivo, musical, etc- para o que se volveu rodear por unha banda experimentada de músicos dezaos con moitos anos de estrada no rock do país. Nomes como Lolo Arincón -boss de Xonix Records e produtor dos 2 discos de Pauliña- no baixo ou Iago Jorge (Ruxe Ruxe) na batería engaden o seu saber e experiencia tanto na gravación dos discos coma nos directos.
Orghullosa de ser muller foi o 2º videoclip de A Malfalada
(Actualizado en agosto de 2020)
ESCOITA OS DISCOS DE PAULIÑA EN SPOTIFY
De-xeneración (Xonix Records, 2018)
A Malfalada (Xonix Records, 2020)