OQO Editora e PAI Música apresentan o proxecto de Almudena Janeiro, quen musicou doce historias da editorial especializada en libro infantil para crear Contos en Cantos, un libro disco, unha obra para os cativos leren mais tamén para ollaren e cantaren, pois o pacote inclúe tamén DVD con videos e karaoke de todos os temas compostos pola música viguesa sobre as historias de OQO.
Almudena Janeiro é profesora de música nun colexio, para alén de cantante do grupo Transilvanians, e conta cunha ampla experiencia na música, malia ser nova, pois xa formou parte de formacións do eido folc, jazz e ska galego.