dA Trío
dA Trío é un grupo formado contra 2017 por Narci Rodríguez, cun estilo que fusiona músicas urbanas coma o hip-hop ou o neosoul co jazz. A banda está formada por Narci Rodríguez na voz e na guitarra barítono, Ilmarto nas baterías e Zalo Rodríguez en teclados e sintetizadores.
dA Trío publicou o seu primeiro disco, Reflexións, no 2019, un EP con catro temas cantados en galego e inglés. No traballo, gravado por Iago Dopico en Pousada Son Studios, colabora García Mc e Chus Silva.
