Xistra

Grupo tradicional da parroquia viguesa de Coruxo que xa ten editado catro discos na súa andaina, que comezou cinguida á tradición para ir incorporando paseniño outros instrumentos coma clarinete, requinta ou acordeón, por outra banda presentes xa de vello na tradición musical do sur de Galiza. Se beillas arrente coidado cos terróns, (Edicións do Cumio, 1995) foi o seu debut, ao que seguirían Adicado..., (Do Fol, 1997), Xistralia. República Independente, (Zouma Records, 2000), e finalmente Tres nun, tamén con Zouma  no 2003. Discos onde Xistra percorre o folclore galego e miñoto.