O pasado venres 15 de febreiro a xira presentación do Vol. III de Vudú tivo a cita no Morrazo, concretamente no Salason. Tras tocar o xoves na Clavicémabalo de Lugo, o venres tocaba Cangas para ir comezando a fin de semana. Ata alí achegámonos algúns seareiros e algunhas seareiras, mais pese a non conseguir  a afluencia que conseguiron na cidade da muralla creouse un ambiente lindo.

Durante o concerto puidemos escoitar cancións que xa coñeciamos do seu EP anterior e cancións que escoitábamos por primeira vez neste concerto, as cales agora poderemos seguir a escoitar na casa ou no carro.

Como novidade, topamos que o concerto a parte do que xa viramos anteriormente, comezou con Belém xogando e sampleando algúns sons. Coma de costume, pese a reinterpretar cancións tradicionais galegas, non é un concerto no que queiras poñerte a bailar e botar un punto e unha volta, pero si para gozar e sentir a música, para marchar do concerto con unha sensación de ben estar na que tanto podes escoller seguir de festa ou retirar a descansar.

O compa Xabicas déixavos aquí unha boa galería das imaxes que tirou do concerto.

E para rematar podedes facervos unha idea do que ides atopar no disco no seguinte vídeo. Nel aparecen as cancións “Preludio De Lúa Awel” e "Eu Chorar, chorei"

Fotos: Xabicas

Texto e vídeo: Lety GF

Normal 0 21 false false false ES X-NONE X-NONE